Құтты болсын туған күн,

Кіндігіңді кесіп ап,

Жібек жіппен буған күн.

Шілдехана суымен

Алғаш рет жуған күн.

Орап алып жөргекке,

Ақ сүтін асыл ананың,

Емірене емген күн.

Әкең келіп төбеңнен

Тебірене төнген күн.

Қуанғаннан ел-жұртың

Көрімдігін берген күн.

«Кімге тартты екен?» деп

Бетіңді ашып берген күн.

Туған күнің жыл сайын

Жүз жыл бойы тойлансын.

Өсіп үрім-бұтағың,

Арманыңа жете бер,

Өмір шексіз көк теңіз,

Тоқтамастан кеше бер.

 

Алмастай жүзі өткір бол қайратты,

Лайықты өз атыңа бол сымбатты.

Мамаңның ақ сүтін ақтағаның,

Ақылды боп өсіп сүйсең адалдықты.

 

Саған айтқан тілек орындалар,

Құлағына шалынып періштенің.

Әкеңнің артындағы ат шығарар,

Шаңырақтың иесі болып өзің.

********

1 жасың құтты болсын Нұрәлиім

Сен үшін күнде той, күнде жиын

Нұрәли жасқа толды дегеннен соң

Қуанып бәрімізде келдік бүгін.

Әке-шешең өзіңді еркелетсін

Еркелікті неге олар көтермесін

Ден-саулығың зор болып, ұзақ жаса

Артыңнан Әлия атты бір қыз келсін.

*********

Мирхат пен Маржанның қызығысың

Икемді боп әр нәрсеге өсе берсін.

Рахатыңа бөленіп әке-шешең,

Ата-әжең қызығыңды көре берсін.

 

Сен едің арманы бәрінің де,

Бала деген бауыр ет әлі күнге

Інің болсын артыңда арқа сүйер,

Риза болып қызықтасын әке-шеше.

 

Қоян жылы жайлы болсын келген міне

Астанадан үй алыңдар өздеріңе

Сәлемі ағаңның қабыл болып,

Шалынсын құлағына періштенің.

************

Қылығымен күлдіретін апасын,

Туған күнің құтты болсын, балашым.

Елің сыйлар азамат боп келешек,

Қуантарлық мамасы мен папасын.

Ақылды боп немересі атаңның,

Бақыты бол шөбересі әжеңнің,

Тілің менен қылығыңды қызықтап

Еркелетсін деп өзіңді  «Тентегім».

***********

 

Сәби ұзақ ғұмырлы болсын,

өмірі көркем көңілді болсын.

Ата-анасына мейірлі болсын,

Ағайын жұртқа пейілді болсын.

Бөбегіңе Фарабидің басын бергей,

Әміренің әнін бергей.

Сәкеннің сәнін бергей,

Жүсіптің дидарын бергей,

Мұхамбеттің иманын бергей.

Ләйім Қыдырдың назарында,

Бақыттың базарында жүрсін!

 

**********************

***********      

Қасқырдың қайратын,

арыстанның айбатын,

жылқының сақтығын,

бүркіттің қырағылығын тілеймін.

 ****************

Тау суындай таусылмас қайрат,

Сыр суындай сарқылмас жігер,

Гүлдей жайқалған ғұмыр,

Гүлдей тербелген өмір тілеймін.

***********************

Қажымас қайрат,

Талмас талап,

Мұқалмас жігер,

Қайтпас қажыр тілеймін.

 ***********

Бақыт сарайының бас құрылысшысы бол деген тілекпен

құттықтау қарлығашын жолдаймын.

 ************************