DataLife Engine - Softnews Media Group

Өлеңі – Нұрсұлтан Әлімқұловтікі

Әні – Шәмші Қалдаяқовтікі

Болсақтағы жаңа таныс,

Жүзек те алғаш қайықта.

Ұшқыр қиял кетті-ау алыс,

Бұйырмашы айыпқа.

Самал болар толғандырған,

Айдын шалқар көл бетін.

Сәулем, мені ойландырған,

Сенің жарқын келбетің.

ҚАЗАҚСТАН РЕСПУБЛИКАСЫНЫҢ

МЕМЛЕКЕТТІК ӘНҰРАНЫ

Өлеңі – Жұмекен Нәжімеденовтікі

Нұрсұлтан Назарбаевтікі

Әні – Шәмші Қалдаяқовтікі

Алтын күн аспаны,

Алтын дән даласы,

Ерліктің дастаны,

Еліме қарашы!

Ежелден ер деген,

Даңқымыз шықты ғой.

Намысын бермеген,

Қазағым мықты ғой!

               Қайырмасы:

Менің елім, менің елім,

Гүлің болып егілемін,

Жырың болып төгілемін, елім!

Туған жерім менің – Қазақстаным!

 Өлеңі – Исраил Сапарбаевтікі

Әні - Рамазан Таймановтікі

Мен қазақ қыздарына қайран қалам,

Жанары жаны жаздай жайраңдаған.

“Қыз өссе, елдің көркі” деген сөзді,

Қапысыз қалай айтқан қайран бабам.

Намысын бермеу үшін жатқа қолдан,

Арулар аз болды ма атқа қонған.

Көңілде қалған сыз бар өткен күннен...

Өмірде қалған із бар “Ақтабаннан”.

 Өлеңі – Қасым Аманжоловтікі

Әні – Ғазиза Жұбанованікі

Сенің нұрлы жүзіңнен,

Көрем бақыт, өмірді.

Сенің әрбір сөзіңнен,

Күй естілер, күй естілер

Көңілді.

ЖЕҢЕШЕ

(Е. Зікібаев, Ә. Бейсеуов)

Шешек атқан көктемдегі гүл қандай,

Құлпырғаны – шұғыла шашар нұрдан бай.

Толған айдай толықсисың, жеңеше-ай,

Сол гүлменен бәскеге тұрғандай.

Қайырмасы:

Мейлі басқа елемесе, елесе-ау,

Сен ескерсең жетіп жатыр,

Жетіп жатыр, жеңеше-ау.

Бас қосты достар бүгін,

Гүлдердің жапырағындай.

Жайнап тұр ақ дастархан,

Алып-ұшып көңіл шіркін жанғандай.

Көтерейік кәне достар

Туған күн үшін!

Осындай думанды сәттер

Қайта жалғансын!

Көтерейік кәне достар,

Мол бақыт үшін

Осында тойда отырған

Көпшілік үшін!

Өлеңі – Махмут Майшекиндікі

Әні – Шәмші Қалдаяқовтікі

Жаз күніндей жайнаған

Масатыдай жер сұлу.

Аққу, қаздар тойлаған

Айдын шалқар көл сұлу.

Қайырмасы:

Өзгеден де ең сұлу,

Өмірлік дос тең сұлу.

Өзім сүйіп ұнатқан,

Бәрінен де сен сұлу.

Нұрын төккен қырмызы

Аспандағы күн сұлу.

Жымың қаққан жұлдызы

Айлы кеште түн сұлу.

Қайырмасы.

 Тәрбиелі тамаша,

Бал мінезді жар сұлу.

Таңданарлық қараса,

Талай абзал бар сұлу.

 Қайырмасы.

Сөзін жазған: Ғ. Қайырбеков
Әнін жазған: Ш. Қалдаяқов

Әлемнің жарығын,
Сыйладың сен маған.
Даланың әр күнін,
Жинадың сен маған.
Сен бердің құстардың,
Қанатын самғаған,
Балалық құштарым
Өзіңе арналған.

Қайырмасы: 

Әлдилеп аялап,

Өсірген жемісін.
Самал жел, сая бақ,
Құшағың мен үшін.
Есейіп кетсем де,
Мен саған сәбимін.
Көңілді көктемдей,

Көзіңнен танимын.

(С. Желдербаева, М. Рүстемов)

Қыз аттаған келін боп, ақ босаға,

Ақ босаға, мерейлі бас босаға.

Қасиетті халқымның дәстүріне,

Куә болып ғасырлар жатты осы ара.

Қайырмасы:

Пай-пай шіркін, қазақтың келіндері,

Көл-дәрия секілді пейілдері.

“Абысын тату болса, ас көп” деген,

Мақалдың айтылуы тегін бе еді.

Өлеңі – Мұхтар Шахановтікі

Әні – Шәмші Қалдаяқовтікі

Балауса қыз едің бір кезде,

Шашыңа ақ бантик байлаған.

Өзгеріп кетіпсің бұл күнде,

Көркіңе көз тастап ойланам.

Қайырмасы:

Нұрлы бейнең қандай жарқын,

Арманысың қандай жанның.

Шынарым-ай,

Сен мөлдірсің, еркем,

Тау бұлағындай.