DataLife Engine - Softnews Media Group

Шаңырақ көтеріп, қос аққудай, жанұя құрған

..................мен ............... заңды некелерімен құттықтай отырып, жырдан шашу шашамыз.

 

Орындалып тәтті арман тілектері,

Бірге соғып шын ғашық жүректері.

Жас шаңырақ иесі болды бүгін,

Қасиетті қазақтың түлектері.

 

Артқа тастап бүлдіршін бала шағын,

Тұтандырған өмірдің жаңа ошағын.

Жас жұбайлар бабалар дәстүрімен,

Жалғастырар халқымның болашағын.

 

Армандары сезіммен сабақтасып,

Махаббат пен бақыты қабаттасып.

Ұлтымның ұлылығын ұластырар

Қос аққудай жараса қанаттасып.

 

****************

 

Құрметті  ....... мен .......!

Сіздерді бүгінгі салтанатты заңды некелеріңізбен, отау құрып, шаңырақ көтерулеріңізбен шын жүректен құттықтаймын.

   Сіздерге тілерім жаңа өмірге қос аққудай қол ұстасып бірге аттанған қадамдарыңыз құтты болсын!

   Отбасының қуанышын, алдағы бар өмірлеріңізді сыйластықпен бірге өткізіп, келешектерің тек сәттілікпен жалғаса берсін.

   Өз жарыңды жаттай күт, жат көрсін де түңілсін, бір-біріңе қадір тұт, жұрт үлгі алсын, үңілсін дегендей екі жүрек сенімдерің ақ, бір-біріңе деген сезімдерің пәк болсын.

   Жақсы әйел – жігітке біткен бақ, жақсы жар, жайлы қоныс – алтын тақ дейді. Шаңырақтарыңыз биік босағаларың берік болсын

   ................. Жаңылға адал жар бол, Жаңыл осы шаңыраққа қонған бақ құсы бол. Ата-ана, туған-туыс пен бауырларыңызға сыйлы және үлгілі отбасы болыңыздар. Әрдайым шаңырақтарыңыз шаттыққа, бақытқа және сәбидің үніне толсын.

 **********

        Қадірлі қонақтар!

           Бүгінгі қуаныштың қымбатты иелері!

    Сіздерге осы қуанышты күнде босағаларыңның берік, керегелеріңнің кең, абыройлы, көңілдеріңнің тоқ, адал еңбектің арқасында табыстарыңның мол, алақандарыңның ашық, өмірге машық, жаңалыққа ғашық, ұрпақтарыңның ер болуын тілей отырып, мына өлең жолдарын өздеріңізге арнаймын;

 

Өмірдің тойы, көңілдің тойы – үйлену,

Үйлену – бір көктем мәңгі күйге ену.

Жаңа отаудың қабырғасы қаланып,

Дүниеге тағы да бір үй келу.

 

Тілейміз биіктігін шаңырақтың,

Тілейміз босағаның беріктігін.

Мәңгілік екі жастың бақыты мен,

Тілеймін құдалардың татулығын.

 

Өмірлерің бақытты әнді болсын,

Өңірлерің осындай сәнді болсын.

Достық пен жастық шақ жалын атып,

Ақ махаббат баянды, мәңгі болсын!

**************

Қанша ғашық арманына ұмтылды

Қанша жүрек құштарлықпен бұлқынды.

Ғашықтарды құрмет тұтып адамзат

Ешқашанда ұмытпайды бұл күнді!

Шуақ шашып қап-қараңғы түнектен

Ғашықтарды пәк сезімнен нұр сепкен

Жарық болсын әрқашанда жұлдызың!

***********

  

Махаббаттың қанып ішіп кәусәрін,

Бір-біріңе ауып тұрсын аңсарың.

Қос аққудай мәңгі бірге жүзіңдер,

Өмір деген өткел бермес қарсы ағым.

 

Үлгі болып басқаларға тірлікте,

Шаңырақтың беріктігі бірлікте.

Бір-біріңе сүйікті де сыйлы боп,

Ата-ананың көңілдерін кірлетпе.

 

Қуаныштан тебіреніп әке-шеше жүрегі,

Қайда жүрсе бақыт тілеп жүреді.

Өмірлерің балдай тәті болсын мерейлі,

 Достарыңның айтар осы тілегі.

 

 ************

 Өмірде қалса екен жарқын іздер,

Жарасып, қол ұстасып өтіңіздер.

Жұптарың жазылмасын өмір бойы,

Арманға – алтын тойға жетіңіздер.

 *********

Құрметті қонақтар!

Бүгін, міне, қос жүректің қалауы бір арнадан шығып, қазақтың тағы бір шаңырағы бой көтерді. Тағы бір екі жас жұлдыздары жарасып, өмір атты буырқанған дүниеге қол ұстасып қадам басты.

Құрметті .............-................!

Бүгінгі неке қию салтанаттарың құтты болсын!

Бір-бірлеріңе бағынышты, сағынышты сезімдерің мәңгі сөнбесін, сыйластықтарың, қимастықтарың ешқашан таусылмасын, махаббат әлемінің нұрлы аспанында жұптарың жазылмай, қанаттарың талмай самғай беріңдер!

************

Аяқ екеу, қол да екеу,

Көз дегенің – ол да екеу.

Екеу және құлақ та,

Жүрек жалғыз бірақ та.

Сондықтан да сол жүрек

Күйіп, жанып, өртеніп

Естісін деп лебізін

Іздейді екен серігін

 -   дегендей қос жүрек өмірлік серіктерін тапқан екен. Құрған шаңырақтарың биік, босағаларың берік, керегелерің кең болсын!

************

Жандары жайдары, барынша мейірбан, достары көп, тілекшілері мол, ағалық пен даналықты бойына сіңіре білген, «ел» десе егіліп, «халық» десе төгіліп, «Отан» десе өз еркімен жегілетін, қазыналық ақсақал жасына жетіп отырған осы екі асыл жанды мерейтойларымен шын жүректен құттықтап, шаңырақтарына шаттық, баянды бақыт, өздеріне зор денсаулық тілей отырып, өмірдің барлық қуанышын бірге қызықтап, Алланың берген жасын қос аққудай бірге жасап, кісілік келбеттерінен танбай, несібе-дәулеттерінің арта беруіне ақ тілегімізді білдіреміз!

***********

Баланың көңілі жай болсын,

Мың жылқылы бай болсын.

Айдағаны қой болсын,

Шайнағаны май болсын!

Азын-аулақ дәулеті

Күнде өзіне той болсын.

Жұртта қалған жұрыны

Домалап келіп қой болсын!

Жұртта қалған тулағы

Тулап келіп тай болсын.

*********

Қимайды ұзатқан жақ қыз баласын,

жүрегі қалай ғана сыздамасын.

Құдалар, алақанға салып бердік,

жұлып алып жүректің бір парасын.

 

Көңіл де, көз де тояр да, күйеу бала,

болмассың үш жұртыңа сүйеу ғана.

Жарыңның бақыты бол, жұлдызы бол,

осындай қыз бұл дүниеде біреу ғана.

 

Шаттана жүріп шаңырағын көтерген,

ұйымдаса жүріп уығын қадаған,

келісе жүріп, керегесін керген

жас отауларың құтты болсын!

 

**********

Қадірлі құдалар, ағайындар! «Ұлың өссе ұлы жақсымен, қызың өссе қызы жақсымен ауылдас бол» деген дана сөз бар халқымызда. Бүгін міне, екі жас бір-бірімізді туыс етіп отыр. Бәріміз де туған үйіміздің өрісін осылай кеңейткенбіз. Қыз өріс деген осы екен. Қыздың барған жерге сіңіп кетуі біріншіден, жастардың тәрбиесіне, екіншіден ағайынның татулығына көп байланысты. Кәнеки, екі жасқа құтты қадам, құдаларға ынтымақ тілейік.

 

****************

 

Қадірлі туыстар, меймандар. Күні кеше құдалардың алдынан өтіп, алақандарына салып аялап отырған қыздарын үкілеп алып келдік. Бүгін міне той-думан біздің елде жүріп жатыр. Қызды туған ұясынан ұшыру оңай емес. Қыз ата-анасының, туыстарының қандай қимас сезіммен, үлкен үмітпен, кәміл сеніммен аттандырып салғандарын көрдік. Жастардың қадамы құтты болсын. Тіккен отауларына ырыс кірсін, ынтымақты болсын. Келіннің етегі балаға толсын, бір-екеумен шектеліп қалмасын. Әпкем мен жездем енді немере сүйіп, соларды әлпештеп, қызықтарына кенеле берсін, біз соның куәсі болайық.   

 

***********************

                Ардақты ағайын! Көппен көргеннің арманы жоқ, ел қариясы – ел қазынасы деген. Қарты бар үйдің құты бар дейді. Бүгін аяулы әкеміздің Пайғамбар жасы – 63 жылдық мерей тойын Сіздермен бірге атап өтіп отырғанымызға қуаныштымыз. Ата-анамыздың, олардың қатарының өмір жолы қайсарлардың заманы болды. Бізді бүгінгі күнге жеткізген осы әкелеріміз бен аналарымыздың еңбегі. Әкеміз анамызбен екеуі қатарымыздан қалдырмай өсіре білгеніне ризашылықпен басымызды иеміз.

                 Осы орайда замандастарын, ағайын-туыстарды жиып, әкеміздің 63 жасқа келуін тойлап, мерейін көтеруге ұйғардық. Ең жақсы құрмет олардың адал атына кір келтірмеу деп ойлаймыз. Адалдық, адамгершілік, алдымен өзіңе талапшыл болу – ата-анамыздың көрсеткен өнегесі.

               Қадірлі ағайын! Бәріңізге де осындай қуаныш тілейміз, әкеміздің жасына жетіңіздер. Ал ата-анамызға ұзақ ғұмыр, денсаулық тілейміз. Әкеміз – асқар тауымыз. Біз есейіп кетсек те, панамыз. Ата-ананың қадірін балалы болғанда білесің демекші, бұл күнде өзіміз ата-ана болған кезде олардың еңбегін толық түсініп отырмыз. Біздің көз алдымызда өмірге қуанып жүре берулерін Алладан тілейміз.  

            Менің атыма да айтқан тілектеріңізге мың да бір рахмет.

            Көргеніміз үнемі той болсын, тойда жолығып жүрейік ағайын!

 

************************

 

Той бастар сөз

 

Құрметті ағайын! Тойымызға келгендеріңізге көп рахмет! Атаңа не қылсаң, алдыңа сол келер деген. Балаларым менің 80 жылдық тойымды жасап отыр. Сіздермен бірге өткізгеніме разымын.

Бір күн дәмдеске қырық күн сәлем деген. Заманында қызмет еттік, баларымызды өсірдік. Енді соның жемісін көріп отырмыз. Ақсақалдың батасын алған, Құдайдың рахметіне жолығар деген ұлағатты сөз бар. Балаларымыз көзімізге әлі кішкентай көрінгенімен, бұлар да үлкен азамат болып, біздің атымызға кір келтірмей еңбек етіп келеді. Өміріміздің жалғасы – балаларымыз, оларға Алла біздің жасымызды берсін, өмірлері ұзақ, дендері сау болсын деп тілейік. Ертең өздерінің балалары да бұлардың тойларын жасап жүрсін.

Өзімнің замандастарыма да осындай жақсылық тілеймін. Бала-шағаларыңыздың рахатын көріңіздер. Көргеніміз той болсын. Басымыз тойда жиналып жүрсін. Рахмет. 

 

******************************

 

 

Оу, ағайын!

Келді менің Алпысым,

Өмірімнің бел белесі – талтүсім.

Кең дастархан жаяйын деп отырмын,

Шақырамын ағайынның барлығын.

 

Аз ба, көп пе, бұл ғұмырдың жазғаны,

Жүрегімде талай арман маздады.

Жәй өтті дей алмаймын, ағайын,

Өмірімнің Көктемі мен Жаздары.

 

Сол үшін де

Бас қосайық, келіңдер,

Шарықтасын, шалқысын шат көңілдер.

О, Жаратқан,

Ел-жұртыммен сыйласып

Жүретұғын маған ұзақ

Мағыналы өмір бер!

*********************************

Ата-ана мерейтойына шақыру

 

Ыстық қой ата-ана алақаны

Аялап көп атсыншы дала таңы.

Ортақ боп, қуанышқа келіңіздер,

Жайылды мерейтойдың дастарханы