Өрісің кеңіп үй болдың,

Ие боп жаңа пәтерге.

Құлпырып тұр ғой көңілің,

Жуылғандай ақ нөсерге.

 

Шаттана ұстап кілтіңді,

Шалқайдың, досым, шат күліп.

Ұмыт боп күндер былтырғы,

Жұлдыз боп жанды тәтті үміт.

 

Көңіліңе күй күмбірі,

Жарың да жайраң қағады.

Түзелер енді тірлігің,

Қуанттың бала-шағаны.

 

Баспана болмай күйде жоқ,

Қажытар кісі есігі.

Дос-жаран тұрсын үйге кеп,

Тербетіп шаттық бесігін.

 

Көңілін тапқын көршінің,

Туыстай болар жұптассаң.

Қанатты қаққын серпіліп,

Еркің бар енді бассаң.

 

Өркендей берсін өренің,

Естіліп «іңгә» - әсем үн.

Кеңісін керегелерің,

Құт әкеп жаңа пәтерің!

 

Қайырлы болсын үйіңіз,

жақсы болсын күйіңіз.

алдарыңнан шықсын әрдайым,

Көрсеткен жұртқа сыйыңыз.

Тойыңыз құтты болсын,

бақыты зор отау болсын.

Іші жанға толсын,

сырты малға толсын.

Өздеріңе ұзақ ғұмыр берсін,

Мәңгі кетпес ризық берсін.

Алдарыңнан күн шықсын,

арттарыңнан ай тусын.

***********

   «Отан – отбасынан, отбасы – ошақ қасынан басталады» деген екен бабаларымыз. Ал сол ошақтың иесі - әйел, ал отбасының иесі – сол үйдің ері. «Еркек – шаңырақтың иесі әрі асыраушысы» - деп бекер айтпаған ғой.

   Бүгін міне, жаңа үйге қоныс аударып, «Қоныс тойын» жасап жатырсыңдар. Олай болса үй иелеріне тілерім: өздерің табалдырығын жаңа аттаған жаңа үйлерің берекелі, ырыс мол, қыдыр қонған үлкен үйге айналсын. Шаңырақтарыңда тек қана той болсын дегім келеді.

*************

   Бір данышпан «Керемет үй болмайды, үйді керемет ететін – сол үйдің әйелі. Ал үйдің шатыры – еркек. Өйткені ол сол баспананы ыстықтан, суықтан, жаңбырдан, қардан, селден қорғап тұрады» деген екен.

   Құрметті үй иелері, мынау жаңа қоныстарың – баспаналарың құтты болсын!

   Бірің – қорғаны, бірің – жылуы болып, қонақ үзілмейтін құтты шаңыраққа айналып, ақ дастархандарың тек қана тойға жайыла берсін! Қоныс тойларың құтты болсын!

***********

   Көптен күткен үміттерің ақталып, жаңа үйге қол жеткізіпсіңдер, құтты болсын! Қуаныштарыңа ортақтасу үшін жиналып отырған мына қауымның сендерге айтар тілегі мол. Жаңа үйлеріңнің іргетасы мықты, керегесі кең, шаңырағы биік болсын! Ішінде тек қана татулық пен береке, қуаныш пен бақыт, құт пен ырыс салтанат құрылсын! Өз бастарыңа бақ-береке дарып, бала-шағаларың өсіп-өне берсін, қызығын көріңдер! Шаңырақтарыңда қуанышты тойлайтын жиын көп болсын! Қайғы-мұңдарың жоқ болсын!

***********

 

ТЕРМЕ

Ақылды адам байыса,

Рахатын көріп еңбектің,

Өмірін көркем гүл етер –

Дүние-байлықты құл етер!

 

Ақымақ-қарау байыса,

Туысын теуіп кеудеден,

Көңілін қара құл етер –

Дүниесі оны құл етер!

***********

Беретін асың болсын,

Көретін жасың болсын,

Басыңнан жақсылық кетпесін,

Жамандық саған жетпесін!

 

Қайырлы болсын үйің,

Жақсы болсын күйің,

Алдарыңнан шықсын әрдайым,

Көрсеткен жұртқа сыйың.

 

Той-думан құтты болсын;

Бақыты мол отау болсын,

Іші жанға толсын,

Сырты малға толсын.

 

Өздеріңе ұзақ ғұмыр берсін,

Мәңгі кетпес ризық берсін,

Алдарыңнан күн шықсын,

Арттарыңнан ай тусын!

**************