Қуанамын неге бүгін соншалық

Шаттанғаннан келіп жетті бір шабыт

Қиясына ұшқалы отыр тәтеміз

Көңілде бір қимастық бар қайтеміз

 

Қадамыңыз бүгінгі құтты болсын

Қыдыр дарып отауға бақыт қонсын

Көтерген жездемізбен шаңырақтың

Ішіне қуаныш пен күлкі толсын

 

Ұлдарды нәсіп етсін ақылды ұдай

Қыздарды нәсіп етсін күн мен айдай

Отаудың берік қылып босағасын

Біздерге болыңыздар жаққан шамдай

 

Көктемнің күлімдеген күніндейсіз

Дүниенің ең шырайлы гүліндейсіз

Папасы мен мамасының асыл қызы

Әрқашан жездемізбен бір жүргейсіз!

 

Өмірде ең бақытты жан болыңыз!

Мәнді де даңғыл болсын бұл жолыңыз!

Мәңгілік бір-біріңе ғашық болып

Көңілі туыстардың жүрсін толып!

  Гауһар Қасабекова, 2009 жыл

***

Адамның бір қызығы бала деген,

Баласыз көңіл шіркін толар ма екен.

Дүбірлі той жасамай баласына,

Қазақтың жағасы жайлауына қонар ма екен.

 

Құтты болсын шалқар тойың,

Тарқамасын үйіңнен қызық-ойын.

Бақытына кенеліп екі жастың,

Тола берсін ырысқа қоныш-қойның.

 

Ақ тілегін ақтарылған бүгін дәйім,

Қабыл болсын ниеттер ылғидайын.

Түгенделген ұлыңның үш жұртының,

Ынтымағы жарассын барған сайын.

 

Кенелген көкірегіме тілегімді,

Білесің ақ көңіліммен тілерімді.

Ұрпағың ұрпағыңа ұлассын деп,

Ұсындым ақ тілеулі жүрегімді!!!

***

Құрметті тойшы қауым!

Бүгін міне Сырымның  ауылында,

Алатаудың бауырында

жадырасып жарасатын,

жамырасып тарасатын,

балдай тәтті тілектер тыңдалатын,

ән тербеген жүректер нұрланатын,

қызығы күннен күнге жырланатын,

келмегендер қызықтан құр қалатын

бір тамаша той болып жатыр.

Ол-бүгінгі Асқар мен Ботаның  шаттыққа толы шаңырақ көтеру екені баршаға мәлім. Сол той тойларға ұласып жалғасын таба берсін!

 

Құрған шаңырақтарың биік, босағаларың берік, керегелерің кең болсын!

Үйлеріңнің іші жанға, сырты малға толсын! Екі жаққа да сыйлы болыңдар! Денсаулықтарың зор, Махаббаттарың баянды болсын!

***

"Махаббат" байлық пен бақыттың қолдағанын ұнатады дейді, ендеше бай болыңдар, бақытты болыңдар! Аспандарың ашық болсын, дастархандарыңнан қонақ үзілмесін!

 ***

Екі жастың көтерген шаңырағы биік,босағалары берік болсын! Махаббаттары баянды да тәтті болсын ! Өмірлері күндей, көңілдері гүлдей, армандары асқар таудай болсын ! Тату да тәтті өмір сүріңдер!

***

Жаңа өмірге қос аққудай қол ұстасып бірге аттаған қадамдарың құтты болсын!

Сіздерге осы қуанышты күні босағаларың берік, керегелерің кең болсын деп тілеймін! Жездем апайыма адал жар болсын, апайым осы шаңыраққа қонған бақ болсын!

Әрқашан алақандарың ашық, өмірге машық, бір-біріңе ғашық болып, алдағы ұзақ ғұмырды сыйластықта өткізіңдер!

***

«Үйлену оңай, үй болу ќиын» деген бар,
Саналы жастар бұл сөзді ұғып, бағамдар.
Ќос өзен сынды ќос тағдыр бүгін ќосылса,
Жарасым тауып жасалсын ізгі ќадамдар.

Өмір жолында серік боп ылғи сәттілік,
Шамшыраќ сынды жетелей берсін тәтті үміт.
Беу, ќараќтарым, алтын тойды да тойлаңдар,
Отауларыңнан ќуаныш кетпей, баќ күліп.

Көңілде көктем, махаббат гүлі, нұр гүлі,
Естілсін үйден күміс күлкінің сыңғыры.
Өрісі кеңіп, бабадан ќалған әулеттің
Тербеліп бесік, естілсін сәби былдыры.

Адами ғұмыр болары айќын бір нүкте,
Жаќсылыќ келер, ынтымаќ бар да, бірлікте.
Бас ќосќан жастар сендерге үлкен тілегім –
Біріңе-бірің сүйеніш болың тірлікте.

**** 

Кеше ғана жүргендейсің балапандай бүлдіршін,
Білім алып, бой жетіп, ой түзедің.
Қанатың қатып, ұшып кеттің ұяңнан,
Қимастықтан ауырды менің жүрегім.

«Қыз - өрісің», «жат жұрттық» деген сөз бар,
Теңіңді таптың жүректен шыққан тілек бар.
Ақылды бол, еркелікті қоярсың,
Бір отаудың келіні сен боларсың.

Енеңді - анам, атаңды - әкем деп ойла,
Барған жерің - өз жұртыңдай сен сыйла.
Сонда ғана жағарсың сен еліңе,
Кір келтірме өзіңнің туған жеріңе

Құдай қосқан қосағыңмен қоса ағар,
Кешірімді, кішіпейіл болыңдар.
Аналық жүректен шыққан ақ тілегім,
«Қабыл болсын» деп Алладан тіледім.

Бір Алла тіл-көзден өзі сақтасын,
Жолдарың ақ, түзу болып басталсын.
Екі жасқа арналған осы ақ тілек,
Періштенің құлағына шалынсын.

Ақ Неке – Хақ Алланың шапағаты,
Ақ Ниет – ақ адалдың Махаббаты.
Ақ тойың ақ арманның күлкісіндей,
Ақ жүрек аңқылдасын бір кісідей.
Ақ Серігің қасыңнан табылғасын,
Ақ Махаббат, ақ шаттық арылмасын!
Ақ деген Сөз – тілегі бар Қазақтың,
Ақ сақалдың тілегі қабыл болсын!
Ақ сөзін ақ әжелер аямасын,
Ақ келін ақ мейірге саяласын.
Ақ пейіл адал Жарың ақ сезіммен,
Ақ Жан деп, ақ төсекте аяласын!
Ақ байлық қонсын әрбір мал басыңа,
Ақ көрпе құтты болсын жамбасыңа!
Ақ босаға – Ол сенің ақ Ырысың!
Ақ тілектің айналсын Ордасына.
Ақ Алла жамандықтан сақтандырсын,
Ақ Иман байлығымен шаттандырсын!
Ақ маңдай, ақ періште сәби үні,
Ақ шаңырақ ішіне Бақ қондырсын!

Бауыржан Қарағызұлы

Алтын күздің алғашқы күні Алатаудай ардақты әкеміз 70 жасқа толғалы отыр.

Сондай-ақ анамыз екеуінің өмірлерінің мәніндей  «Алтын тойлары». Гүлдей қыз өсірген, білдей ұлдар өсірген, балдай немере-жиендер сүйіп, өмір сүруге, адам болуға тәрбиелеген әке-шешемізді   қос қуаныштарымен құттықтаймыз.

Әкетай – асқар тауың,

анашың зәм-зәм бұлақтай.

Алла өзі демеу болсын,

жылатпай-дағы ,құлатпай.

«Гауһар тойға» жетіңіздер,

төрт құбылаң тең болып,

Шөлпілдетер шөбере сүйіп,

шөлміркер көңіл гүл атқай!

******

        Тіршілікте мәнді де, сәнді болып қатар жүре беріңдер. Әр күндерің шуаққа толып, жүздеріңнен күлкі кетпесін, жамандық атаулы жетпесін. Сендердің ғұмырларың ұзақ, өмірлерің жұмақ болсын. зор денсаулық, мол қажымас қайрат тілей отырып, мына өлең жолдарын арнаймыз:

Жеңгемізбен қол ұстасып жүре берші,

Қызығын балалар мен немерелердің көре берші.

Ағайын, туған-туыс, бауырлардың,

Ортасында ақылшы бола берші.

Қалған біз жақсылардың ұрпағымыз,

Жарылғасын ортамызда ұрпағымыз.

Халқыма жақсылықты тілеймін мен,

Көрмесін қиындықты ұрпағымыз.

******

Тамада кітабынан

Тілеуің тілеп тұрды аппақ,

Қимайды іштей ата – ана.

Қыз едің өскен бұлғақтап.

Аттайсың бөгде босаға.

 

Әлпештеп басқан бауырға,

Кем көрмей ұлдан шалқытып.

Ата – ана қалып ауылда,

Асықтың тұр деп жар күтіп.

 

Анаңның жолын жалғадың,

Жат жұртқа кетіп барасың.

Сүюдің татып бал дәмін,

Жарыңмен тапқын жарасым.

 

Бақыт бол барған жеріңе,

Жүзіне кірбің жуымай.

Береке қонсын төріңе,

Демесін жаман қылығы-ай.

 

Қылығың түзде – ержеттің,

Ие бол ақыл – тізгінге.

Гүлі бол  барған әулеттің,

Тастай бат, судай сіңген де.

 

Тіршілік деген майдан бұл,

Өмірдің әлі сыны алда.

Жарыңмен бірге жайнағын

Ұқсағын асқақ шынарға!

Тамада кітабынан

Бойдақтың қалды қынжылма,

Тағдырың теліп бір қызға.

Құрметпен қара, жан досым,

Қолыңа қойған жұлдызға.

 

Күн өтті шалқып желпінген,

Бұғауға түстің еркіңмен.

«Сүйемін!» дедің жарыңа,

Таймағын сол бір сертіңнен.

 

Азамат дейді сені жұрт,

Басыңнан кештің серілік,

Әке де әлі боласың,

Жарыңды сүйгін беріліп.

Ұлдарын болсын тұлымды,

Қыздарын болсын бұрымды.

Қосағыңмен қосыла айт,

Махаббат атты жырыңды.

Тамада кітабынан

Көтеріп қайным бүгін нардың жүгін,

өзінің тапқан екен жар-жұлдызын.

Гүл болып жайнай берсін әр көктемің,

Жеміске толы болсын әрбір күзің.

 

Шуағын,

Төге берсін,

Тәңір нұрын.

Жарыңа сен де сыйла жанның нұрын.

Үйіңе үбір-шүбір,

Ұл-қыз толып,

Басыңа бақ сыйласын қалыңдығың.

Бөтен жан жоқ бұл жерде,

Қызады думан дүркіреп.

Айтылар үйленгендерге

Айшықты бата, нұр тілек.

 

Сызылған жібек мінезі,

Көңілін жұрттың ырза ғып.

Табысын тәтті тілегі,

Бақыттан жүзі тұр жанып.

 

Құтты болсын қадамы,

Ағайынның бәрі мәз.

Ашық екен ажары,

Жайма-шуақ, жаны – жаз.

 

Періштедей қыз екен,

Құдай берген пейілге.

Тілекке жетік тілеген,

Нұр жаусын аппақ келінге.

 

Жан екен өзі түсі игі,

Айналдым балапанымнан.

Аялап бақыт құсыңды,

Түсірме алақаныңнан!