Дәрігер бір науқасты қабылдап отыр.

- Сіздің ауруыңыздың бірден-бір себебі – ішімдік!

- Сіз өте дұрыс айтасыз. Ауруымның себебін арақтан көріп тұрған сіз – бірінші адамсыз. Қалғандардың барлығы кінәнің бәрін менен көреді.

*******

         Бір күні Темірлан Қожанасырмен әңгімелесіп отырып, Қожекеңнің шапанының бір кішкентай жыртық жерін байқап, соған саусағын тығып айналдыра береді. Жыртық ұлғая түседі. Әңгіме желісімен Темірлан:

         - Қожеке, осы адам баласының ақылы кемігені қай уақытта білінеді? – деп сұрайды.

         - Бәлкім, жанында отырған адамның шапанын саусағымен тескен заманда болса керек, - жеген екен Қожа.

*******

         Анасы қызына ақыл айтып отыр.

         - Қызым, сен әлгі жігітке тұрмысқа шығушы болма! Мені жалғыз тастап кетемісің?

         - Оған бола қам жемеңіз, апа! Мен сізді сағындырмай, тез арада қайтып келемін – депті қызы.

*****

Оқушы мұғалімге:

- Ертең сабаққа келмей-ақ қояйыншы.

- Неге?

- Мама, өзіңіз ғой кеше ертең ауылдан апам келеді деген.

- Екеуіміз бірдей келмесек, ұят болар...

******

- Сен сәнмен айналысатын болғансың ба? – деп сұрайды бірінші ұры сән журналын ақтарып отырған екінші ұрыдан.

- Әрине, мен енді жаңа киімдердің қалталары қай жерінде болатынын білуім керек қой!

*******

         МАИ инспекторы «Мерседес» көлігін тоқтатады. Көлік тоқтағанмен одан иесі түсе қоймайды. Инспектордың шыдамы таусылып, көлікке жақындайды. Көлік иесі терезені ашады.

- Ақша саған керек пе, әлде маған ба?

*******

Екі әйел әңгімелесіп отыр.

- Осы күйеуімді бір тәртіпке шақыра алмай-ақ қойдым.

- Ол қандай тәртіп?

- Әмиянын өмірі бір жерге тықпайды.

- Бүкіл еркек сол ғой.

******

Мұғалім оқушысын тақтаға шақырады да:

- Мен Шығайбайға бір алма беремін де, оны төрт балаға бөліп беруін сұраймын. Сонда әр балаға қандай бөлік тиеді?

- Ешқандай.

- Отыр, екі. Математиканы білмейсің.

- Ал сіз Шығайбайды білмейді екенсіз.

********

Екі жынды кино көріп отыр.

- Мына киноны бұрын көріп пе едің?

- Жоқ. Бірінші рет көруім.

- Ал мен төртінші рет көріп отырмын. Бірақ алдыңғы үшеуіне қарағанда, бұл жолы актерлер өте тамаша ойнады.

*******

- Қатты уайымдап жүрмін, - дейді бір әйел құрбысына.

- Неге?

- Қызым тұрмысқа шыққалы жатыр. Өзі әлі тамақ істей алмайды.

- Оған бола қам жемеңіз. Өткені күйеу балаңыздың тамақ істеуге қажетті азық-түлік алатын ақшасы да жоқ көрінеді.

*******

Екі әйел әңгімелесіп отыр.

- Естідің бе, сенің бұрынғы күйеуің жұмысқа тұрыпты.

- Мен оның ақша үшін неге болса да баратын бұрыннан білгем.

********

Күйеуі мен әйелі әңгімелесіп отыр.

- Біздің шатырды жөндеген ұстаны білесің бе? – дейді күйеуі әйеліне.

- Иә, білемін.

- Соны көлік қағып кетіп, қайтыс болыпты.

- Бұл өмір не боп барады өзі. Енді шатырда да еркін жүре алмайтын болдық қой.

******

Бір әйел көріпкелге келіп:

- Бес жыл бұрын сіз маған «күйеуіңіз және бес балаңыз болады» деп едіңіз, - дейді.

- Иә, қалай болды?

- Солай болды, бес бала таптым.

- Айтқаным айдай келіпті ғой. Енді не дейсің?

- Бәрі дұрыс қой. Бірақ күйеуім қашан болады?

********

- Бауырым сағат аласың ба? Міне, қарашы, швейцариялық сағаттың таза көшірмесі.

- Алсам, алайын. Ал мынау сізге.

- Бұл не?

- Бұл - біздің теңгенің таза көшірмесі.

*******

Құрылысшы мен тапсырыс беруші әңгімелесіп тұр.

- Қабырғаны өте жұқа қылып қалапсыздар.

- Жұқа емес, оның сыртынан әлі тұсқағаз жапсырамыз ғой.

********

Әйелі мен күйеуі театрда концерт көріп отыр.

Әйелі сахнадағы оркестрдің дирижерін меңзеп:

- Моцарт деген осы ма?

- Білмей тұрмын, теріс қарап тұр ғой....

*******

Екі келіншектің әңгімесінен.

- Менің бір ақын сіңлім бар еді. Жақында өзін үнемі сынап, жақтырмай жүретін бір сыншы жігітке күйеуге шықты.

- Өшін алайын деген шығар...

********

Машинамен жолда келе жатқан ерлі-зайыптылар МАИ қызметкерлерін жиі кездестіреді.

Әйелі:

- Бұл көшедегі МАИ-дың барлығы семіріп кеткен бе, немене? – деп таңданса керек.

Күйеуі:

- Олар бронежилет киіп тұрған шығар – дейді.

Әйелі:

- Қойшы тегі, беттеріне де киіп алған ба? – депті.

*******

Әскерге барғанда дейін ұйқым тыныш болатын. Әскерде жүргенде ұйқыдан маза кетті. Себебі өзім тыныштықты күзеттім. Әскерден кейін алаңсыз ұйықтай алмайтын болдым. Себебі бәтшағарлардың қалай күзететінін жақсы білемін.

********