DataLife Engine - Softnews Media Group

Құрметті ханымдар мен мырзалар, мына жиналған туған-туысқан, дос-жаран! Сіздерге айтарым, тойымызға келгендеріңізге көп рахмет. Тойда жақсы, көңілді отырдыңыздар. Соның арқасында тойымыз жақсы өтті деп ойлаймыз. Осы қуанышымызбен ортақтасып, ыстық лебіздеріңізді білдіріп, қаншама тамаша тілектер айттыңыздар. Бәрі де қабыл болсын және өздеріңізге жұғысты болсын, Сіздерге де игі тілектер тілейміз. Алда әлі той көп. Басымыз үнемі тойда қосылып жүрсін. Рахмет.

 

********************************

Той үстінде жас жұбайлардың біріне арналып айтылады:

Құрметті...........!  Тойдың болғанынан боладысы қызық демекші, өзім тойға дайындалып, шашты күзеп, бойды түзеп,

Кішкентайыңыздың бал қылығын қызықтап, аналық мейіріміңізге бөлей беріңіз. Шаңырағыңыздан шаттық-қуаныш, жүзіңізден күміс күлкі арылмасын!

 ****************

Нәрестелі болған қуанышыңыз құтты болсын!

Дүниеге шыр етіп келген алтын асықтай ұлыңыз 

келешекте қырандай алғыр, сұңқардай өр, арыстандай айбатты, жолбарыстай қайратты, қасқырдай өжет жігіт болып өсіп,

әулетіңіздің жарқын жалғасы,

шаңырағыңыздың лайықты иесі болар ерге,

елінің арқа сүйер еңсесі биік азаматына айналуын тілейміз.

Жас сәбидің ата-анасы ретінде жұбайыңыз екеуіңізге

деннің саулығы мен жанның жылылығын,

таудан биік әкелік жүректің қамқорлығы мен

теңізден терең аналық жүректің мейірімін тілейміз.

Шаңырақтарыңыз шаттыққа, құшақтарыңыз қуанышқа толсын! 

 **********************************

                                                    Құтты болсын бесігің

                                                   Артық болып   несібің.

                                                   Дастарханың жайылып,

                                                   Ашық болып  есігің,

                                                   Өре берсін балалар.

                                                   Дұшпандарың болмасын,

                                                   Күншілдікпен табалар.

                                                   Алпамыстай тағы да,

                                                   Ұл артынан ұл тапқын.

                                                   Жарқыраған Шолпандай,

                                                   Қыз артынан қыз тапқын.

                                                   Құтты болсын бүгінгі,

                                                   Шілдехана тойларың.

                                                   Тілектерін қабыл боп,

                                                   Орындалсын ойларың.

                                          *******************************

Шаңырақтың шырағысың шаттығы,

Текті жердің тұяғысың ақ гүлі.

Мың жыл құда болуға да атты күн,

Екі жасқа құдай берсін бақ бүгін.

Әке-шешең арнап отыр жыр ағын,

Кәусар таза мөлдіреген бұлағым,

Барған жерге судай сіңіп, ұнағын,

Бақытты бол, бақытты бол, шырағым.

 *******************

Көкірегі сырға толы күй-дастан,

Алатаудай арманы бар жүздеген,

Өзі өскен ортасына сыймастан

Түзден бақыт іздейді екен қыз деген.

 

Тағдыры оның суық қарап, сыздана,

Шешімі ауыр сын артқанмен санаға.

Көктемдегі қарлығаш қой қыз бала,

Айналатын шуақ шашқан Анаға!

 **********************

 Айжанымыз ақ босағасынан ұзатылып, Мағжан есімді өзінің өмірлік серігін тапты. Жас жұбайларға қашанда жандарыңа жақсылық серік болсын, өмір өткелінен қол ұстасып бірге өтіңдер деп тілек білдіреміз.

 **********************

 Қонақтан кетпей төрлерің,

Ісіңнің таппай ел кемін.

Тамсан мақтап көп адам

Баса алмай жүрсін шөлдерің.

 

Қалаулы бол халыққа,

Еңбектен еш жалықпа.

Қосылған сүйіп жарыңмен

Аққудай мәңгі қалықта.

 *************************

 

 

ұзату тойында той иесіне айтылатын тілек

 

Адамның бір қызығы бала деген,

Баласыз көңіл шіркін толар ма екен.

Дүбірлі той жасамай баласына,

Қазақтың жағасы жайлауына қонар ма екен.

 

Құтты болсын шалқар тойың,

Тарқамасын үйіңнен қызық-ойын.

Бақытына кенеліп екі жастың,

Тола берсін ырысқа қоныш-қойның.

 

Ақ тілегің ақтарылған бүгін дәйім,

Қабыл болсын ниеттер ылғидайын.

Түгенделген ұлыңның үш жұртының,

Ынтымағы жарассын барған сайын.

 

Кенелген көкірегіме тілегімді,

Білесің ақ көңіліммен тілерімді.

Ұрпағың ұрпағыңа ұлассын деп,

Ұсындым ақ тілеулі жүрегімді!!!

 **********************

 Еліңе елеулі бол,

Халқыңа қалаулы бол.

Ата-енеңе жағымды бол,

Қайынаға, қайындарға қайырымды бол.

Ауылыңа айбарлы бол,

Күйеуіңе жайдарлы бол.

 ************

 

Тұсауың кесілді, құлама,

Тізеңді жаралап жылама.

Құлындай құлдырап жүгірші,

Кәніки өзіңді сына да
Секірсең құздардан сүрінбе

Шыңдарға   шыққанда бүгілме.

Болаттай қабырғаң қатайып,

От ұшқын ойнасың түгіңде.

Ұзақ боп Иншалла өмірің,

Тасысын шаттықтан көңілің.

Жарқырап күн санап өсе бер,

Жарқылдап семсердей сенімің.

                                                                                        **********

Кесілді балам тұсауың,

Жалтақтамай аяқ бас!

Биік болып ұшарсың,

Асқарлармен қанаттас.

  ****************

Мұсылман болдың қарағым,

Кәне бері қарағын.

Шырағын жағар ұлысың,

Ата менен ананың.

Таудай болсын талабың,

Алтын менен күмістен,

Жасалсын балық жарағың.

Көрімдігін мінеки,

Бар ма тағы қаларың?

Қой сұрасаң қой берем,

Тай сұрасаң тай берем,

Зат сұрасаң зат берем,

Ат сұрасаң ат берем.

Батырлығың байқалса,

Сауыт берем ақберен.

Мұратына жете бер,

Күннен-күнге өсе бер.

Ұзақ болып өмірің,

Өміріңнің түйінін,

ӨЗ қолыңмен  шеше бер.

 

                                   ****************

Бүгін біздің әке-шешеміз ..................... шаңырақ көтергендеріне 55 жыл толып отыр. Ардақты ата-анамыз ...... бала тәрбиелеп өсіріп, олардан бүгінде немере-шөбере сүйген бақытты жандар. Біз, балалары, оларды осынау айтулы өмір кезеңіне жетуімен шын жүректен құттықтай отырып, мына өлең жолдарын арнаймыз:

   Алтын тойға куә болған ұрпағың

55-тің қарсы алады нұр таңын.

Құттықтаймыз осы тоймен Сіздерді –

Жұп жазбаған ерлі-зайып сұлтанын!

    Берік сақтап салт-дәстүрін өмірдің,

Шырағы боп біздер өскен өңірдің,

Себепкері болып әр кез жүрсіздер

Әулеттегі қуанышты көңілдің.

    Сіздерден әлі де көп түйеріміз,

Сіздермен бірге өссін үй-еліміз.

Жиылмай осы тойдың дастарханы,

Шөпшек болсын шөбереден сүйеріңіз!

           Ұл-қыздары, немере-шөберелері атынан ұл-қыздары.

  *************

     Абзал ата-анамыз! Өмір өзені бүгінде Сіздерді тамырын тереңге жайған алып бәйтерекке ұқсатты. Ұл-қыздарыңыздан сүйген  немере-шөберелерің осының жарқын айғағы.

Ұрпағы өсіп-өнген, халқының қадірменді қариялары атанған Сіздерді қол ұстасып өткізген 55 жылдық тойларыңызбен құттықтай отырып, мықты денсаулық, көп қуаныш, ұзақ ғұмыр тілейміз! ……… әулеті Сіздердің әлі талай тойларыңыздың куәсі болсын!

 ******************

Күміс тойға тілектер

 Жиырма бес жыл құт боп келген шаңырақ,

Бақ жұлдызың тұрсын көкте жамырап,

Алтын тойың болсын тағы осындай,

Бір Құдайым тілегіңді қабыл ап.

Мерейлерің өсе берсін бұдан да,

Жақсылықтың күте берсін күні алда.

Алтайдай сылаңдаса жан жарың,

Өзің ұқса шабыттанған қыранға.

Көре бергей ұрпағыңның қызығын,

Ғұмыр жолдың берсін Алла ұзынын,

Бақ-дәулетің дариядай тасқындап,

Берекесі болсын дәм мен тұзыңның.

Қуанышпен өтсін барлық тойларың,

Орындалсын мақсаттарың, ойларың,

Жүзге жетіп ажырамай жұптарың,

Бал өмірдің қызығына тоймағын.

***************

 Құтты болсын күміс той,

Той дегенің ырыс қой,

Алтын жамбы берсем де,

Екеуіңе дұрыс қой.

Күміс тойдың аяғы,

Алтын тойға жалғассын.

Жарқылдасын жандарың,

Жүзіндей ақ алмастың.

Таси берсін дәулетің,

Жарасып ән-сәулетің.

Қара қауым ел болып,

Өсіп-өнсін әулетің.

Сыйлы болып бастарың,

Ажырамай жұптарың,

Жүзге жетіп жастарың.

 ********************

Күміс тойың күмістей жарқылдасын,

Дәулетіңнің бұлағы сарқылмасын,

Арғымағы арманның алқынбасын.

Қабыл болып тілегің, жақсы атыңмен

Алыс-алыс жерлерге даңқың барсын.

Аман болсын ұрпағың, бала-шағаң,

Ажырама күлкіден, тамашадан.

Үйір-үйір есепсіз жылқы бітіп,

Күмпілдесін күнімен қара сабаң.

Ешқашанда оңбасын дұшпандарың,

Екеуіңнің жанына жара салған.

Алтын тойың тағы да бола берсін,

Бастарыңа бақ құсы қона берсін.

Тоқсан асып екеуің жүзге жетіп,

Көңілдерің осылай тола берсін!

 *************

Алтын тойға тілектер

Алтын тойдың дастарханы,

Дастарханы мол болсын.

Берекелі қол болсын,

Тойға келген қонақтың

Бәріне сәтті жол болсын.

Тілектерің оң болсын,

Жұқармайтын қоң болсын,

Екеуіңнің кигенің

Алтын жағалы тон болсын.

Немереңді өсіріп,

Шөбереңді жетектеп,

Шашқан Алла ырзығын,

Тере берсін етектеп.

Құт болып мекен-тұрағың,

Жайқала берсін құрағың,

Лайланбасын бұлағың,

Жарқырай берсін шырағың.

Жастарың жүзге жеткенше,

Тарқамасын құмарың.

 *****************

Қабыл ғып Алла тілекті,

Қуанта жүрсін жүректі,

«Алтын тойым болғай» деп,

Тілеумен қанша күн өтті.

Тілекті Алла бергені –

Тойың өтіп дүбірлеп,

Осынша жанның келгені.

Бақытты жандар болыңдар,

Мерейі биік елдегі.

    Аруақтар қолдасын.

Жамандық ешбір болмасын.

Дәулетің тасып бұдан да

Тепсең кетпес басыңа,

Баянды бақыт орнасын.

Ұзақ болып жастарың,

Қызығын көріп балалардың,

Ашық болсын аспаның.

****************

Алтын той құтты болсын,

Алтындай бағалы болыңдар.

Құндыздай жағалы болыңдар,

Күмістен тағалы болыңдар.

Өркендеген ұрпағыңның

Үзілмес сабағы болыңдар.

Жүректі туған ұлдардың

Ақылшы жарағы болыңдар,

Ай жүзді аппақ қыздардың

Сом алтын тарағы болыңдар.

Қайда жүрсең жолың болсын,

Үйіңе Қызыр қонсын.

Дәулетке дәулет қосылып,

Көңілің асып-толсын.

Жүдемей жүзге жетіңдер,

Өмірден армансыз өтіңдер.

 ***************

Оразақын Асқар

 

Қиын да емес, оңай да емес үй болу,

Ой бөлу үйге, қамқорлық жасап үйрену,

Көңілін табу, қабағын бағу жарыңның,

Екеу боп өмір сүрудің жолын игеру.

 

Болады онда ішкі де сыртқы – саясат,

Аяйық жарды біреуді егер аясақ.

Жақсы үйде болмақ әскери қатаң құпия,

Жүрмеңдер әсте ішкіні сыртқа жая сап.