әні С.Бәйтерековтікі

сөзі Т.Молдағалиевтікі

Іздегенде табылатын қасыңнан,

Көңілі бар қызғалдақтай ашылған.

Көріспесек сағыныштан жүдейтін,

Кім бар жақын бала күнгі досыңнан.

Қайырмасы:

Жан досым,

Үстем болсын мерейің,

Әрқашан жеңісіңді көрейін,

Сырымыз да бітпесін,

Жырымыз да бітпесін.

***********

сөзі Назира Бердалынікі

Адалдығы болмаса аңсатар ма,

Ару-кезең - әдемі әрқашанда,

Өмір атты іздеген ән-сапарда, бақыт.

Әр таң оған ерекше күліп келген,

Әр көктемнен ерекше үміттенген,

Зулайтынын осылай біліп пе ем мен, уақыт.

Қайырмасы:

Кеше ғана бәйшешек гүлдей едім,

Күнге қарап көктемге күлген едім,

Бүгін міне өзгеше күйге енемін, шіркін.

Жайқалады гүлзары көңілімнің,

Мен қазақтың қызымын, келінімін,

Мен елімнің ертеңгі сенімімін, мүмкін.

**********

әні Ү.Битенованікі

сөзі Ә.Қалмырзаевтікі

Қызғалдақтарым – қарындастарым,

Жаза алмай жүрген жалын дастаным.

Жанартау болып жарылды кеудем,

Жүректің әлди-әнін бастадым.

Қайырмасы:

Еліктірдіңдер-ау елікпеген ем!

Желіктірдің-ау желікпеген ем!

Әттең-ай, әттең, жүрегім – жалғыз,

Бәріңе бірдей бөліп берер ем!

әні Т.Сарыбаевтікі

сөзі М.Мақатаевтікі

Наурыз айы туғанда,

Той болушы еді бұл маңда.

Сақталушы еді сыбаға,

Сапарға кеткен ұлдарға,

Наурыз айы туғанда.

Сөзі мен әнін жазған М. Шаханов

Асау өмір арнасында,

Шалқып сәби сезімменен.

Он жыл мектеп партасында,

Бірге отырдым өзіңменен.

Қайырмасы:

Сездіруге батпадым да,

Бала махаббатымды.

Терезенің жақтауына,

Ойып жаздым атыңды.

**********

ҰСТАЗЫМ

Әні: Ә.Еспаев

Тұлғаңды арманыма ұқсатқанмын,

Үлгіңді көңіліме қыстатқанмын.

Есімде әліппені жаттатқызып,

Ең алғаш қолға қалам ұстатқаның.

Қайырмасы:

Ұстазым менің, ұстазым,

Өзіңмен өткен қыс-жазым.

Қалдырған ізің мәңгілік,

Жадымда тұрар жаңғырып,

Ұстазым менің, Ұстазым!

Әні Заттыбек  Көпбосынұлынікі

Сен қосылып немерем,

Кеңейді ғой керегем.

Әттең қолдан келмейді,

Айды алып берер ем, берер ем.

Қайырмасы:

Саған терді төгер ем,

Бар нәрсемді берер ем.

Оның бәрі аз десең,

Жан беруге көнер ем,

Сен аман бол немерем!

Сөзін жазған Н.Бердалы

Әнін жазған Г.Әлімбекова

Бір-ақ күнде қуантып қос ананы,

Сыңсу айтып қыз көңіл босағаны.

Әлпештеген әкеңнің аппақ  қызы ең,

Ақ келін боп аттадың 

Ақ келін аттадың босағаны.

Қайырмасы:

Аппақ гүлдей ағашқа жаңа біткен,

Үлбірейсің, үміттен жаралып па ең?

Басқа тойлар бастауы – бүгінгі той,

Бүгінгі той – қоштасу,

Бүгінгі той – қоштасу балалықпен.

*****************

Т.Иманбеков

Еркетай едің елігім, қызым,

Елік те іздер серігін, қызым.

Ақ босағаңды аттарсың, қалқам,

Анаңның қимас жырымен, қызым.

Қайырмасы:

Сүрінбе қызым, құлама қызым,

Күлімде мәңгі, жылама, қызым.

Әкеңдей қамқор болар-ау деумен,

Тапсырдым сені құдама, қызым.

********************

Қуаныш пен бақыттан мүсіндеген,

Келбетіңнен сенімнің күшін көрем.

Сен сияқты мені ешкім еркелетіп,

Сен сияқты мені ешкім түсінбеген.

Қайырмасы:

Асыл жарым,

Жайқалған жасыл бағым,

Бағаласаң бақытыңмын,

Сағынсаң қасыңдамын.

Арманды дара қумаймыз,

Құстың қос қанатындаймыз.

Жүректе от жанып,

Тауларды бетке алып,

Бірге ұшып барамыз болашаққа.

 **********