Таулы жер бұлақсыз болмас,

Сулы жер құрақсыз болмас.

 

Тауына қарай тоғайы,

Шошқасына қарай торайы.

 

Тау кезеңсіз болмас,

Өлке өзенсіз болмас.

 

Көлдің көркі құрақ,

Таудың көркі бұлақ.

 

Алпыс күн тасыған су,

Алты күнде қайтар.

 

Жауынмен жер көгереді,

Батамен ел көгереді.

 

Таумен тасты су бұзар,

Ел арасын қу бұзар.

 

Ағаш тамырымен мықты,

Адам дос-жарымен мықты.

 

Судың да сұрауы бар.

 

Суға кеткен тал қармайды.

 

Су жетпейін демейді, жар жеткізбейді,

Ер жетпейін демейді, мал жеткізбейді.